 |
| Nepotism on display for the Vietcong's entertainment |
តុង សុប្រាជ្ញ
The Phnom Penh Post
Nepotism in the Banana Kingdoom: Everybody knows that 2 of Hun Xen’s children are high-ranking officials who are promoted very quickly at the National Defense ministry. One of Hor 5 Hong’s sons is a high-ranking official at the ministry of Foreign Affairs, whereas his 2 other sons are ambassadors stationed in Superpower countries. As for Cham Prasith’s children, both his children from his first wife and those of his second wife, as well as his son-in-laws, are all gathered at the ministry of Commerce and at the Cam-Control department. Kep Chuktema is also trying to install one of his daughters to administer the city hall in order to keep the [family] wealth intact. In addition, there are siblings, children, nephews and nieces who are not as famous as the ones above, for e.g.: Tea Vinh, the Navy commander, is the younger sibling of Tea Banh, the minister of Defense. Chao Phirun, the deputy director for technical equipment of the army is the eldest son of Chao Phearith, the director of this same department, and he was promoted to a 2-golden-star general even though he is very young. Sar Sokha is the son of Sar Kheng, the minister of Interior, who was recently promoted to the rank of general and is the current deputy police commissioner for the city of Phnom Penh.Chea Bora, the son-in-law of Thong Khon, the minister of Tourism, is the administrative and finance director who was transferred from the ministry of Land Management. Keo Ratanak, the director of Electricity du Cambodge (EDC), is the nephew of Suy Sem, the minister of Industry.Chea Serey, the deputy director of the national bank, is the daughter of Chea Chanto, the governor of the national bank. The above are just some of the examples of nepotism taking place. In fact, at some ministries, it is not just sons and nephews who are involved, the wives of the ministers themselves have their handful in them. It so much so that Hun Xen himself had to issue a warning before the case quieted down somewhat.
ពីមួយថ្ងៃទៅមួយថ្ងៃ ឃើញថា ថ្នាក់ដឹកនាំជាន់ខ្ពស់ម្នាក់ៗ ហាក់ដូចជាគិតគូរ ពីរឿងការស្នងតំណែងកូន-ក្មួយ សែស្រឡាយរបស់ខ្លួន ជាជាងគិតពីប្រទេសជាតិ និងសុខទុក្ខរបស់ប្រជាពលរដ្ឋក្រីក្រ ហើយសកម្មភាពនេះ ទៅជាទីពេញនិយម ក្នុងការស្នើសុំតែងតាំងតួនាទីធំៗឲ្យកូន ក្មួយ កូនប្រសា បងប្អូនបង្កើត ឲ្យមកធ្វើការនៅស្ថាប័នដែលខ្លួនគ្រប់គ្រង គឺនៅជាទីប្រជុំទម្ងន់ ឬក៏ចំណុចប្រសព្វនោះ ដែលនិយាយភាសាសាមញ្ញថា«កន្លែងខ្លាញ់ »។ រូបភាពនេះនាំឲ្យមានសំណួរថា តើការតែងតាំងកូន ក្មួយមកនៅស្ថាប័នជាមួយគ្នា ក្នុងតំណែងធំៗនេះ ប៉ះពាល់នឹងទំនាស់ផលប្រយោជន៍ ឬជាអំពើពុករលួយដែរឬទេ?
ឧទាហរណ៍៖ នរណាៗក៏ដឹងដែរថា កូនប្រុសរបស់លោកនាយករដ្ឋមន្រ្តី ហ៊ុន សែន ២ នាក់ មានតំណែងជាមន្រ្តីជាន់ខ្ពស់ ឡើងយ៉ាងលឿន ដូចឡើងជណ្តើរយន្ត នៅក្រសួងការពារជាតិអ៊ីចឹង។ កូនប្រុសរបស់លោក ហោ ណាំហុង ម្នាក់ មានតំណែងជាមន្រ្តីជាន់ខ្ពស់ នៅក្នុងក្រសួងការបរទេស និង ២ នាក់ទៀត ជាឯកអគ្គរាជទូតប្រចាំប្រទេសមហាអំណាចទៀតផង។ ចំណែកឯកូនរបស់លោក ចម ប្រសិទ្ធទាំងកូនប្រពន្ធមុន ទាំងកូនប្រពន្ធក្រោយ ទាំងកូនប្រសា នៅមូលគ្នា នៅក្រសួងពាណិជ្ជកម្ម និងនៅអគ្គនាយកដ្ឋានកាំកុងត្រូល។ បើគេទៅអស់ហើយ លោក កែប ជុតិមា ក៏សាកល្បងដាក់កូនស្រីម្នាក់ នឹងគេដែរមើល នៅកន្លែងកាន់បញ្ជីមួយរយ នៅសាលារាជធានី ដើម្បីកុំឲ្យបែកទ្រព្យ។ ក្រៅពីនោះ ក៏មានប្អូន កូន ក្មួយ របស់ថ្នាក់ដឹកនាំ ដែលមិនសូវល្បីឈ្មោះជាច្រើនទៀតផងដែរ ដូចជា៖ លោក ទា វិញ មេបញ្ជាការកងទ័ពជើងទឹក ជាប្អូនបង្កើតរបស់លោក ទា បាញ់ រដ្ឋមន្ត្រីក្រសួងការពារជាតិ។ លោក ចៅ ភិរុណ អគ្គនាយកសម្ភារបច្ចេកទេសកងទ័ព មានកូនប្រុសច្បង លោក ចៅ ភារិទ្ធ ជាប្រធាននាយកដ្ឋានស្ថាប័ននេះផ្កាយ ២ ទាំងវ័យក្មេង។ លោក ស សុខា ជាកូនប្រុសរបស់ លោក ស ខេង រដ្ឋមន្ត្រីក្រសួងមហាផ្ទៃ ដែលទើបតែឡើងផ្កាយមួយក្តៅៗនេះ មានតួនាទីជាស្នងការរង រាជធានីភ្នំពេញ។ កូនប្រសាលោក ថោង ខុន រដ្ឋមន្រ្តីក្រសួងទេសចរណ៍ គឺលោក ជា បូរ៉ា អគ្គនាយករដ្ឋបាល និងហិរញ្ញវត្ថុ ដែលបានផ្ទេរមកពីក្រសួងរៀបចំដែនដី។ លោក កែវ រតនៈ ប្រធានអគ្គិសនីកម្ពុជា (EDC) ត្រូវជាក្មួយរបស់លោក ស៊ុយ សែម រដ្ឋមន្ត្រីក្រសួងឧស្សាហកម្ម។ ឯលោក ជា ចាន់តូ ទេសាភិបាលធនាគារជាតិមានកូនស្រី ធ្វើជាអគ្គនាយករង នៅបង់ក្រហមនេះដែរគឺលោកស្រី ជា សេរី។ នេះគ្រាន់ជាការបង្ហាញត្រួសៗ ពីសែស្រឡាយអ្នកធំៗ តែនៅមានមួយចំនួនធំទៀត។ ខ្លះមិនត្រឹមតែដាក់កូន ក្មួយប៉ុណ្ណោះទេ គឺថែមទាំងជំទាវៗ ដែលជាភរិយារបស់រដ្ឋមន្ត្រីមួយចំនួន បានលូកដៃយ៉ាងជ្រៅ ទៅក្នុងកិច្ចការផ្ទៃក្នុង របស់ក្រសួង ស្ថាប័នទាំងនោះថែមទៀតផង រហូតទាល់តែលោកនាយករដ្ឋមន្ត្រី ព្រមានម្តង បានរៀងស្ងាត់បន្តិច។
ឥឡូវនេះរដ្ឋាភិបាលមានឆន្ទៈកែទម្រង់រដ្ឋបាលសាធារណៈ ដើម្បីធ្វើឲ្យប្រសើរឡើងនូវការគ្រប់គ្រង និងអនុវត្តទៅតាមនីតិវិធី។ តើមានអ្វីនៅពីក្រោយការកែទម្រង់នេះ? កាលពី ២ សប្តាហ៍មុនមានការកោះអញ្ជើញ ចាប់ពីថ្នាក់ការិយាល័យឡើងទៅ នៃរដ្ឋលេខាធិការដ្ឋានអាកាសចរស៊ីវិល ដើម្បីទៅប្រជុំ នៅទីស្តីការគណៈរដ្ឋមន្ត្រី ស្តីពីការប្រកាសតែងតាំងមន្ត្រីជាន់ខ្ពស់ថ្មីមួយរូប មកពីទីស្តីការគណៈរដ្ឋមន្ត្រី មកកាន់តំណែង ទើបតែនឹងបង្កើតថ្មីដែរនៅទីនោះ គឺអគ្គនាយករដ្ឋបាល និងកិច្ចការទូទៅគឺ លោក សេង សត្តា ដែលមានអាយុប្រមាណជាង ៣០ ឆ្នាំតែប៉ុណ្ណោះ។
គ្រាន់តែអានព្រះរាជក្រឹត្យ និងអនុក្រឹត្យ ស្តីពីការតែងតាំងនេះភ្លាម មន្រ្តីៗនៅទីនោះមើលមុខគ្នាស្រឡាំងកាំង ខ្លះលួចសួរគ្នាខ្សិបខ្សៀវដាក់គ្នាថា ហេតុអ្វីបានជាមិនយកមន្ត្រីដែលមានស្រាប់ នៅរដ្ឋលេខាធិការដ្ឋានអាកាសចរស៊ីវិល មកកាន់តំណែងនេះ? ចាំបាច់អីយកមន្ត្រីមកពីទីស្តីការបានធ្វើការកើត? មន្រ្តីខ្លះថា ព្រោះលោក សេង សត្តា ត្រូវជាក្មួយ ឬជាសែស្រឡាយ របស់លោកឧបនាយករដ្ឋមន្រ្តី សុខ អាន? មន្ត្រីខ្លះទៀតនៅស្ងៀម ហាក់ដូចអស់កម្លាំង នឹងធ្វើការងារ ដោយយល់ឃើញថា ខិតខំធ្វើការកន្លែងនេះ ២០-៣០ ឆ្នាំ ហើយ មិនបានធ្វើធំកន្លែងហ្នឹងទេ។ មិនត្រឹមតែប៉ុណ្ណឹងទេ គឺថែមទាំងជួយជ្រោមជ្រែងបក្សទាំងកម្លាំងកាយចិត្ត ទាំងថវិកា និងចុះពង្រឹងមូលដ្ឋាន ដោយសង្ឃឹមថា ថ្ងៃណាមួយ បានកាន់តំណែងដូចនេះ តែទីបំផុត ជួយបក្សបានត្រឹមតែជួយ តែតំណែងធំៗនៅតែជារបស់កូន-ក្មួយរបស់គេដដែរ។ តើមន្រ្តីដែលចូលរួមទាំងនោះ គួរតែដង្ហែតាមបក្សទៀតដែរឬទេ? មន្រ្តីមួយចំនួន ដែលខ្ញុំបានសួរ គ្រាន់តែឈ្មោះរបស់លោក សេង សត្តា មិនហ៊ានប្រាប់ខ្ញុំផង បើទោះបីជាខ្ញុំដឹងហើយក៏ដោយ។ នេះហើយគឺជាជំងឺបាក់ស្បាត របស់មន្រ្តីរាជការមួយចំនួនដែលតែងតែខ្លាចតាំងពីជំនាន់ ប៉ុល ពត មក។
តើការកែទម្រង់រដ្ឋបាលសារធារណៈបែបនេះ គឺគ្រាន់តែជាការកែទម្រង់ ដើម្បីដាក់តំណែងកូន ឬក្មួយអ្នកធំៗឬ?
សកម្មភាពនេះ គឺជាការរើសអើងកូនប្រជាពលរដ្ឋសាមញ្ញ ដែលរៀនបានខ្ពង់ខ្ពស់ និងមានបទពិសោធច្រើនឆ្នាំ និងជាការមិនយកចិត្តទុកដាក់ដល់មន្រ្តីដែលសកម្មការងារនៅ ក្នុងស្ថាប័ននោះ ហើយនេះ ក៏បង្ហាញឲ្យឃើញពីរបបគ្រួសារនិយម បក្ខពួកនិយមដែលកំពុងតែចាក់ឫសយ៉ាងជ្រៅទៅក្នុងសង្គមខ្មែរ៕
No comments:
Post a Comment