ភ្នំពេញ៖ សហជីពសេរីកម្មករ នៃព្រះរាជាណាចក្រកម្ពុជា នៅថ្ងៃទី២១ ខែកុម្ភៈ ឆ្នាំ២០១២ បានចេញសេចក្ដីថ្លែងការណ៍ ថ្កោលទោសយ៉ាងដាច់អហង្ការចំពោះអំពើដ៏សាហាវឃោរឃៅរបស់កម្លាំងសមត្ថកិច្ចប្រដាប់អាវុធ ប្រើអំពើហិង្សាបាញ់ប្រហារទៅលើកម្មករ កម្មការិនី បម្រើការងារនៅរោង ចក្រផលិតស្បែកជើង កៅវេ ( Kao Way ) ក្នុងតំបន់សេដ្ឋកិច្ចពិសេស នៅទីក្រុងបាវិត ខេត្តស្វាយ រៀង។
សេចក្ដីថ្លែងការណ៍ បានលើកឡើងថា កាលពីវេលាព្រឹកនាថ្ងៃទី២០ ខែកុម្ភៈ ឆ្នាំ២០១២ កម្លាំងសមត្ថកិច្ចប្រដាប់ដោយអាវុធ បានប្រើអំពើហិង្សាយ៉ាងសាហាវទៅលើកម្មករ កម្មការិនីបម្រើការងារនៅរោងចក្រផលិតស្បែកជើង កៅវេ មានទីតាំងឋិតនៅក្នុងតំបន់សេដ្ឋកិច្ចពិសេស មេនហាតថេន ក្រុងបាវិត ខេត្តស្វាយរៀង ខណៈដែលកម្មករ កម្មការិនីតវ៉ាទាមទារឲ្យថៅកែ(និយោជក) រោងចក្រគោរ ពច្បាប់ស្ដីពីការងារ នៃព្រះរាជាណាចក្រកម្ពុជា ដើម្បីឲ្យរោងចក្រមានលក្ខខណ្ឌការងារល្អ ប្រសើរ ។
សេចក្ដីថ្លែងការណ៍ បានលើកឡើងថា កាលពីវេលាព្រឹកនាថ្ងៃទី២០ ខែកុម្ភៈ ឆ្នាំ២០១២ កម្លាំងសមត្ថកិច្ចប្រដាប់ដោយអាវុធ បានប្រើអំពើហិង្សាយ៉ាងសាហាវទៅលើកម្មករ កម្មការិនីបម្រើការងារនៅរោងចក្រផលិតស្បែកជើង កៅវេ មានទីតាំងឋិតនៅក្នុងតំបន់សេដ្ឋកិច្ចពិសេស មេនហាតថេន ក្រុងបាវិត ខេត្តស្វាយរៀង ខណៈដែលកម្មករ កម្មការិនីតវ៉ាទាមទារឲ្យថៅកែ(និយោជក) រោងចក្រគោរ ពច្បាប់ស្ដីពីការងារ នៃព្រះរាជាណាចក្រកម្ពុជា ដើម្បីឲ្យរោងចក្រមានលក្ខខណ្ឌការងារល្អ ប្រសើរ ។
សេចក្ដីថ្លែងការណ៍បន្តថា ក្នុងឱកាសដែលកម្លាំងសមត្ថកិច្ចប្រដាប់អាវុធ បានប្រើអំពើហិង្សាបាញ់ ប្រហារទៅលើកម្មករ កម្មការិនី បម្រើការងារនៅរោងចក្រផលិតស្បែកជើងកៅវេនោះ បណ្ដាលឲ្យកម្មករ កម្មការិនីរងរបួសធ្ងន់ឋិតក្នុងស្ថានភាពសង្គ្រោះបន្ទាន់នៅមន្ទីរពេទ្យចំនួន ៣នាក់ និងរងរបួសស្រាលចំនួនប្រមាណ ៤នាក់ ទៅ ៥នាក់ផ្សេងទៀត។
សេចក្ដីថ្លែងការណ៍បន្តទៀតថា សហជីពសេរីកម្មករ នៃព្រះរាជាណាចក្រកម្ពុជា (FTUWKC) សូមសម្ដែងនូវការសោកស្ដាយ និងសូមធ្វើការប្រកាសថ្កោលទោសយ៉ាងដាច់អហង្ការចំពោះអំពើដ៏សាហាវឃោរឃៅរបស់កម្លាំងសមត្ថកិច្ចប្រដាប់ដោយអាវុធ ដែលបានប្រព្រឹត្តទៅលើកម្មករ កម្មការិ នីបម្រើការងារនៅរោចក្រផលិតស្បែកជើងកៅវេ បណ្ដាលឲ្យកម្មករ កម្មការិនីរងរបួសធ្ងន់ និងស្រាល ជាច្រើននាក់ កាលពីព្រឹកម្សិលមិញនេះ ពោលគឺអំពើហិង្សារបស់កម្លាំងសមត្ថកិច្ចជាការរំលោភបំពានសិទ្ធិមនុស្ស និងបំផ្លិចបំផ្លាញលទ្ធិប្រជាធិបតេយ្យនៅកម្ពុជា ។
សហជីពសេរីកម្មករ សូមធ្វើការអំពាវនាវដល់កម្លាំងសមត្ថកិច្ចពាក់ព័ន្ធទាំងអស់ ឲ្យបញ្ឈប់ការប្រើ ប្រាស់អំពើហិង្សាទៅលើកម្មករ កម្មការិនីតទៅទៀត ព្រោះអំពើហិង្សាបែបនេះ ប្រដូចបានទៅនឹងការធ្វើបាប កាប់សម្លាប់ បាញ់ប្រហារមនុស្សក្នុងរបបប៉ុលពត ជារបបវាលពិឃាតពីអតីតកាល។ លើសពីនេះ សហជីពសេរីកម្មករ សូមអំពាវនាវដល់អាជ្ញាធរគ្រប់លំដាប់ថ្នាក់ ធ្វើការស៊ើបអង្កេតស្រាវជ្រាវចាប់ខ្លួនជនដៃដល់ ដែលបានបាញ់ប្រហារទៅលើកម្មករ កម្មការិនី យ៉ាងព្រៃផ្សៃ យកមកផ្ដន្ទាទោសតាមច្បាប់ជាធរមាន ដើម្បីពង្រឹងប្រព័ន្ធយុត្តិធម៌ និងនីតិរដ្ឋនៅកម្ពុជា។
ចំណែកសម្ព័ន្ធសហជីពកម្ពុជា របស់អ្នកស្រី យ៉ាង សុភ័ណ្ឌ ក៏បានចេញសេចក្តីថ្លែងការណ៍ភ្លាមៗ កាលពីថ្ងៃទី២០ ខែកុម្ភៈ ឆ្នាំ២០១២ ដោយចាត់ទុកទង្វើហិង្សាបាញ់ប្រហារលើកម្មករ នៅតំបន់សេដ្ឋកិច្ចពិសេសក្រុងបាវិត គឺជាការរំលោភសិទ្ធិមនុស្សយ៉ាងធ្ងន់ធ្ងរ និងព្រៃផ្សៃបំផុត ហើយថ្នាក់ ដឹកនាំរដ្ឋាភិបាលត្រូវតែយកចិត្តទុកដាក់ មិនត្រូវបន្តឱ្យកើតមានមកលើប្រជារាស្ត្រ និង កម្មករទៀតទេ។ បញ្ហាបាញ់បោះមកលើប្រជារាស្ត្រ និងកម្មករនេះ មិនមែនលើកទីមួយទេ គឺកើតឡើងជាបន្តបន្ទាប់មកលើប្រជារាស្ត្រ និងកម្មករ ។ ទង្វើអមនុស្សធម៌នេះ បង្ហាញអំពីអ្នកដឹកនាំប្រទេស អសមត្ថ ភាពក្នុងការផ្ដល់សុវត្ថិភាពជូនកម្មករ និងប្រជារាស្ត្រមិនបានល្អ។
សម្ព័ន្ធសហជីពកម្ពុជា សូមធ្វើការថ្កោលទោសចំពោះការបាញ់សម្លាប់កម្មករឱ្យរងរបួស និងស្លាប់។ សូមថ្នាក់ដឹកនាំរាជរដ្ឋាភិបាលកម្ពុជា ចេញបញ្ជាចាប់អ្នកដៃដល់ និងអ្នកពាក់ព័ន្ធ ក្នុងការបាញ់កម្មករឱ្យរងរបួស និងស្លាប់នេះយកមកផ្ដន្ទាទោសតាមច្បាប់។
បុគ្គលិករោងចក្រ ក្នុងតំបន់សេដ្ឋកិច្ចពិសេសទីក្រុងបាវិត ដែលមានជាង ១០ រោងចក្រកាត់ដេរសម្លៀកបំពាក់ និងផលិតស្បែកជើង បានឲ្យដឹងថា កម្មការិនីដែលរបួសដោយសារសន្តិសុខ ឬអង្គរក្ស របស់ថៅកែរោងចក្រ Kao Way បាញ់ ខណៈដែលថៅកែនោះឈប់ឡាន នៅមុខរោងចក្រ ហើយក្រុមកម្មករ បានមកចោមរោមព័ទ្ធឡានថៅកែរោងចក្រ។
ស្ត្រីកម្មកររងគ្រោះឈ្មោះ ប៊ុន ចិន្តា អាយុ២១ឆ្នាំ មានទីលំនៅភូមិព្រៃផ្តៅ សង្កាត់ច្រកម្ទេស ក្រុងបាវិត ត្រូវរបួសមួយគ្រាប់ចំគល់ដោះខាងឆ្វេង ធ្លាយមកក្រោមក្លៀកខាងឆ្វេង កំពុងសម្រាកព្យាបាលនៅមន្ទីរពេទ្យខេត្តស្វាយរៀង។ ទី២-ឈ្មោះកែវ នា ភេទស្រី អាយុ១៦ឆ្នាំ មានទីលំនៅភូមិព្រៃផ្តៅ សង្កាត់ច្រកម្ទេស ក្រុងបាវិត មានរបួសដើមដៃស្តាំ។ ទី៣-ឈ្មោះនុត សផន ភេទស្រី អាយុ២៣ឆ្នាំ ត្រូវរបួសឆ្អឹងខ្នងធ្លាយគ្រាប់បៀមនៅដើមដៃខាងស្តាំ និងកម្មការិនីម្នាក់ទៀតឈ្មោះ សក កក្កដា អាយុ២៣ឆ្នាំ បានសន្លប់មុនពេលធ្វើបាតុកម្ម មុនហេតុការណ៍បាញ់ប្រហារកើតឡើង។
ក្រោយពីកើតហេតុ ស្ត្រីកម្មករទាំងបីនាក់ ត្រូវបានបញ្ជូនទៅព្យាបាលនៅមន្ទីរពេទ្យខេត្តស្វាយរៀង ហើយនៅល្ងាចថ្ងៃទី២០ ខែកុម្ភៈ ឆ្នាំ២០១២ ត្រូវបានបញ្ជូនមកព្យាបាលនៅភ្នំពេញ ៕
No comments:
Post a Comment