ប្រជាសហគមន៏ព្រៃជំរកសត្វ ស្រុកស្នួល ចូលព្រៃទប់ស្កាត់ការកាប់បំផ្លាញព្រៃសហគមន៏ពីសំណាក់ក្រុមហ៊ុនយួន និងកងកម្លាំងប្រដាប់អាវុធ

ក្រចេះ៖ ការកាប់បំផ្លាញព្រៃឈើពីសំណាក់មន្រ្តីមានអំណាចខិលខូច និងក្រុមហ៊ុនក្នុងស្រុក​

ទាំងក្រៅស្រុកដែលទទួលបានការសម្បទានដី ពីរដ្ឋាភិបាលគឺជាបញ្ហា រសើបមួយដ៏សំខាន់​នៅក្នុង

ប្រទេសកម្ពុជា ដោយពុំមានការយកចិត្តទុកដាក់ទប់ស្កាត់ពីសំណាក​រដ្ឋាភិបាលរបស់​លោកនាយក

រដ្ឋមន្រ្តី ហ៊ុន សែន នោះឡើយ ។

          ដោយពុំអាចអត់ទ្រាំបានតទៅទៀតនោះបណា្តញសហគមន៏ព្រៃឈើស្រុកស្នូល ខេត្តក្រចេះ មានគា្នប្រមាណជា ២០០នាក់​ ដែលមកពីឃុំចំនួន៥គឺឃុំស្រែចា ឃុំស្សឹម ឃុំ២ធ្នូ ឃុំសា្វយជ្រះ និង​ឃុំ​ស្នួល​ ក្នុងស្រុកស្នួល ខេត្តក្រចេះ​ពួកគាត់ទាំងអស់គា្ន បានធ្វើ​ដំណើរតាមម៉ូតូ​ចូលទៅក្នុង​ព្រៃជំរក

សត្វស្រុកស្នួលដោយខ្លួនឯង ក្នុងគោល​បំណង​​ដើម្បី​បង្រាប​ការកាប់​រុក​រាន​ដីព្រៃដោយខុសច្បាប់ និង​ការកាប់ឈើអាណាធិបតេយ្យ​ពីសំណាក់ក្រុមហ៊ុនយួន និង​កងកម្លាំង​ប្រដាប់អាវុធ ដែលមិន

មានការយក​ចិត្តទុកដាក់ទប់​ស្កាត់ និងអើរពើ​ពីសំណាក់​អាជា្ញធរ​ រឺ ជំនាញ​ដែល​ពាក់ពន្ឋ័នោះ ។

          លោក ឈឹម សាវុធ អ្នកសំរបសំរួលគំរោង​វេទិការសាធារណ និង​បណ្តុះបណា្តល​ របស់​អង្គ

ការ CDRI បានឲ្យដឹងថា ដីព្រៃជំរកសត្វស្រុកស្នួល​ដែលប្រជាពលរដ្ឋ​សហគមន៏​កំពុងតែធ្វើ​ការទប់

ស្កាត់ការកាប់បំផ្លាញព្រៃពីសំណាក់ក្រុមហ៊ុនយួន និងកងកម្លាំងប្រដាប់អាវុធនោះ គឺ​ដី​ទាំងនេះប្រជា

សហគមន៏ទទួលបានការសម្បទានពីលោក ច័ន្ទ សារុន រដ្ឋមន្រ្តីក្រសួងកសិកម្មរុក្ខាប្រម៉ាញ់​និង

នេសាទចំនួនជាង៦០០ពានហិតា ដើម្បីឲ្យប្រជាសហគមន៏គ្រប់គ្រងនិងថែរក្សាដើម្បីជាប្រយោជន៏

សាធារណៈ  ក៏ប៉ុន្តែឥលូវនេះត្រូវបានក្រុមហ៊ុនយួននិងកងកម្លាំងប្រដាប់អាវុធកាប់យ៉ាងរង្គាល ដែលឈើទាំងនោះសុទ្ធតែឈើមានតម្លៃដូចជាធ្នុង បេង នាងនួនជាដើម ដើម្បី​​យកទៅលក់នៅយួន ដោយក្នុងមួយយប់ៗដឹកចេញពី៦ទៅ៧ឡានដែលជារបស់អគ្គបញ្ជាការរងប៉េអឹមលើផ្ទៃប្រទេស នេះបើតាមការអះអាងដាច់ដោយឡែកពីប្រជាពលរដ្ឋដែលរស់នៅ​តំបន់នោះ ។

លោក ឈឹម សាវុធ ក៏បានហៅទង្វើរបស់ក្រុមហ៊ុនយួន និងកងកម្លាំប្រដាប់អាវុធដែលមក

កាប់បំផ្លាញព្រៃសហគមន៏ជំរកសត្វស្រុកស្នួលនេះថា ជាអំពើដែលបំផ្លិចបំផ្លាញធនធានធម្មជាតិ

ស្រុកខ្មែរ ដោយលោកបានបន្តទៀតថាបើយោងតាមច្បាប់សម្បទានសេដ្ឋកិច្ចគឺរដ្ឋាភិបាលមិន

ប្រគល់ដីព្រៃស្រោងទៅក្រុមហ៊ុនសម្បទានសេដ្ឋកិច្ចនោះទេ តែនេះបែជារដ្ឋាភិបាលសម្បទានដីព្រៃ

ស្រោងទៅឲ្យក្រុមហ៊ុនទៅវិញ ដែលនេះគឺផ្ទុយទៅនិងច្បាប់ទាំងស្រុង ។

         

ចំណែកឯលោក ឡុង រី តំណាងរាស្រ្តគណបក្ស សម រង្ស៊ី មណ្ឌលក្រចេះ បានលើកឡើង

ថា អាជ្ញាធរ គួរណាស់តែទប់ស្កាត់នូវបទល្មើសរបស់ក្រុមហ៊ុន ឬឈ្មួញខិលខូច ដែលកាប់បំផ្លាញ​ព្រៃ​សហគមន៏របស់ប្រជាពលរដ្ឋ តែនេះអាជ្ញាធរ ជាអ្នកច្បាប់  បែជាយកច្បាប់​ទៅធ្វើជាខែល​ដើម្បី

បិទបាំងនូវអំពើអាក្រក់របស់ខ្លួនក្នុងការកាប់បំផ្លាញព្រៃឈើ យកទៅលក់ដើម្បីផលប្រ​យោជន៏ផ្ទាល់

ខ្លួនទៅវិញ ។

          សូមជំរាបផងដែរថា ប្រជាសហគមន៏ព្រៃជំរកសត្វស្រុកស្នួល ដែលមានគ្នាប្រមាណជា​២០០នាក់ ដែលពួកគាត់ធ្វើដំណើរចូលព្រៃ​ដើម្បីទប់ស្កាត់ការកាបបំផ្លាញ​ព្រៃពីសំណាក់​ក្រុមហ៊ុន​យួន និងកងកម្លាំងប្រដាប់អាវុធគឺចាប់ពីថៃ្ង​ទី ២១ ខែកុម្ភះ ឆ្នាំ​២០១២​ រហូតដល់ថៃ្ងទី ​២៥ ខែកុម្ភះ ឆ្នាំ​២០១២ ហើយប្រសិនបើពុំទទួលបានលទ្ធផលឬពុំមានការទប់ស្កាត់ពីអាជ្ញាធរដល់ក្រុមហ៊ុន​យួន កងកម្លាំងប្រដាប់អាវុធដែលកាប់បំផ្លាញព្រៃជំរកសត្វស្រុកស្នួលនោះ ពួកគាត់​និងបន្តរធ្វើ​ជាបន្តរ

ទៀតដោយពុំមានកំណត់ពេលរហូត​ទទួលបានជោគជ័យ ។ចំណែកឯនៅថ្ងៃទី៦ មីនា ២០១២ វិញ ប្រជាពលរដ្ឋសហគមន៏រាប់រយនាក់មកពីស្រុកថាឡាបរិវ័ត និងស្រុកសៀមបូក និងនាំគ្នាចូលទៅ

តំបន់ព្រៃឡង់ប៉ែកខាងកើតដើម្បីចូលទៅទប់ស្កាត់ក្រុមហ៊ុនយួន ដែលកាប់​បំផ្លាញព្រៃស្រោង

សហគមន៏ដូចគ្នាខាងលើនេះផងដែរ។ គណបក្ស សម រង្ស៊ី នៅពេល​គ្រប់គ្រង​អំណាចគណបក្ស និងលប់ចោទទាំងអស់នូវការផ្តល់អាជ្ញាប័ណ្ណការផ្តល់ដីសម្បទានណាដែល​ធ្វើឲ្យប៉ះពាល់ដល់

ប្រយោជន៏របស់ប្រជាពលរដ្ឋ និងបំផ្លាញសម្បត្តិធម៌ជាតិរបស់កម្ពុជាដូចសពថ្ងៃនេះ ហើយនិង

ប្រគល់ដីព្រៃសហគមន៏ទាំងនោះជូនប្រជាពលរដ្ឋវិញ ។ ដូចនេះមានតែគណ​បក្ស សម រង្ស៊ី មួយគត់ដែលជាក្តីសង្ឃឹមរបស់ប្រជាពលរដ្ឋ ៕